Martin und Helena aus Cham
Liebs Radio Pilatus Team Mer send d Helena und de Martin us Cham ZG. Üsi gschecht het ganz eifach agfange uf ere Online-Plattform. De Martin us em ferne St. Galle hed en Match vo de Helena usem Seetal gha ond s’erschte Date esch denn bim Baldeggersee gsi. Dör üsi eifach ond unkomplizierti Art hend mir eus mega schnell verstande ond es tüüfs vertoue ufbout. Mer send gern zeme ide Natur oder dihei iikuschlet ufem Sofa am Game oder Felm luege. Nach zwei Johr schwiizer Fernbeziehig hets de Martin zrogg zo sine Worzle id Zentralschwiz zoge wäg de Liebi. Im Sommer 25 hemmer eus in romantischer Stemmig met Bleck ufe Zogersee verlobt. Es Läbe ohni enand chönd mer üs nömm vorstelle. D’Hochzit esch de wiiteri Schrett wo mer go werded. Met em Gwönn vo Radio Pilatus wäre mer ned nor öberglöcklech üs s Ja-Wort zgeh, sondern au i de nöchi vo üsem Wohnort met eusne liebste de Momänt döffe zteile.
